Liber Isaiae Prophetae*
Caput 24: Versus 7
Luxit vindemia, infirmata vitis est.[ID.]In consummatione, mundi praeteritarum deliciarum recordatio erit materia cruciatuum; unde, purpuratus dives qui receperat bona in vita sua, elevans oculos de inferno, cernit Lazarum in requie[Luc. 19.]; unde:Vae vobis qui saturati estis, quia esurietis[Luc. 6.].Ingemuerunt omnes qui laetabuntur,etc. Hoc testimonium ingerimus eis qui in conviviis non solum gula et ebrietate, sed auribus luxuriantur, ut per omnes sensus animae fortitudo mollescat.